蘇永康擔心拉姑
蘇永康多年前曾與張栢芝傳緋聞，昨日他與張智霖、RubberBand（RB）出席活動時被重提舊事，他說：「嗰排自己離婚，栢芝又甩拖，一齊滑水先有誤會，佢咁靚女，我唔敢高攀。」他坦言與霆鋒是好兄弟，栢芝又是契妹，自己的身份很尷尬。
對於鋒芝婚變，康仔說：「當事人話處理中，希望身邊人唔好講咁多，畀佢哋冷靜處理，佢哋幾十歲人都大個，老友如我都唔會牙鬆弶，希望佢哋下咗啖氣。」由於康仔與狄波拉相熟，他坦言最關心拉姑：「搵佢唔到，可能佢想靜吓，最緊張老人家，唔通我去搵小朋友（霆鋒兒子）咩！」而記者連日來於拉姑寓所樓下守候，未見其蹤影，有指她因兒子霆鋒不開心而自己都不開心，平日最愛的出外High Tea亦放棄，只留在家中。
康仔（左起）、張智霖及RB出席活動時，被問到鋒芝事件。