(3)許亦妮冇仔接機呻可憐
十四位候選港姐昨晚七時許從台灣返港，全部未有家人或男友接送，只自行乘公共交通工具回家，緋聞多多的(3)許亦妮說：「屋企人要做嘢嚟唔到。（咁多男友都冇一個嚟接機？）冇呀！見我一個人咁可憐就知我冇男友啦！（有人爆料話你同有錢女Carmen反面？）冇咁嘅事，同佢係好朋友，亦冇發生任何衝突。（得罪人多？）我都唔知，係惡意中傷，但太多啦……我已經睇化。」
至於(10)李天縱被指曾整容及虛報學歷，她說：「冇整容！當時我(16)歲剛準備考試，媽媽常煲湯令我肥到125磅，所以跟現在有分別。（虛報學歷？）我參加選美時16歲，距離現在已8年，我都完成了大學，所以我讀過大學。（未夠歲數參選？）當年身邊有女生還小過我！」
十四位佳麗完成十二日拍攝後從台灣返港。
(3)許亦妮自言沒男友很可憐。