林欣彤未夠彈藥換大屋

小巨肺林欣彤自勝出《超級巨聲2》後，收入大增，但仍未賺夠錢換大屋！雖然星途一帆風順，不過處女新歌《洗澡》卻被網民批評歌詞欠水準，她即挺身力撐。

文：音樂組

林欣彤（Mag）昨日宣傳頭炮歌曲《洗澡》，對於點擊率逾20萬的新歌被網民狠批林若寧填寫的歌詞差勁，一臉無奈的她極力為夥伴護航：「評語好壞參半，有啲網民話啲歌詞填得唔夠靚，呢首歌係講失戀，意境係沉溺啲，但我好鍾意呢份歌詞。」她表示站在作曲人、填詞人及聽眾的中間很難為，唯一可以做的就是用歌聲表達出歌詞意境，可能是網民未領會到歌詞中的深層意思才有誤解。

收定生日禮物

談到下月21日是入行後第一個生日，Mag日前已收到禮物：「係一位圈外音樂領導人送嘅結他，我諗住再學番彈結他。」問到可會彈結他作曲？她稱之前也試過作曲，但自覺「唔見得人」，未夠膽交歌給公司。問到緋聞男友如胡鴻鈞及羅孝勇可會約她慶生日？她表示未知，生日要出席活動，如有時間會與「巨聲幫」食飯慶祝，生日願望是希望能做出好成績！

另外，Mag在查小欣節目中表示入行後收入大增，但未夠錢換大屋。雖然現時薄有名氣，但堅持「做自己」，會繼續搭公共交通工具、着Casual Wear及不會經常化妝：「咁樣先唔會令自己太大壓力！」