偷拍家中私生活受害人斥「好似強姦」

多位無綫藝員在家中的私生活被偷拍，受害藝員紛紛怒斥，無綫繼而封殺相關周刊，並作出投訴力保私隱。

6月7日　直情揭起裙底

陳自瑤與男友王浩信被拍得在家中私生活，陳自瑤在活動中氣憤地說：「好過分，好似畀人強姦咁，直情係揭起裙底。」王浩信大表無奈，指日後會加倍小心。

6月16日　我都有阿媽生

黃宗澤被拍得在火炭寓所走動，還被指等緋聞女友胡杏兒回家，黃宗澤為此鬧爆：「做藝人預咗冇私隱，但嗰個係我睡房，已經過晒我底線，我都有阿媽生o架！」

無綫發聲明譴責偷拍藝人家中私生活行為，並強調是不道德的行為，完全侵犯他人私隱，保留法律追究權利。

6月17日　喺屋企似坐監

對於黃宗澤被偷拍，胡杏兒說：「好無奈，唔知講咩好，都畀人睇晒。希望佢哋唔好影，Bosco依家喺屋企好慘好似坐監，要閃閃縮縮。」

無綫外事部副總監曾醒明表示，禁止偷拍的兩本周刊到電視城採訪，旗下藝人禁止接受該傳媒訪問及拍照，封殺為期兩個月，另指正着手聯絡，希望取回偷拍照及禁止刊登至其他網絡。

6月27日　往私隱署投訴

在無綫高層樂易玲及曾醒明陪同下，黃宗澤、王浩信及陳自瑤踩上個人資料私隱專員公署投訴，演藝人協會理事陳芷菁及律師亦陪同出席。