演藝人協會全面跟進

演藝人協會理事陳芷菁，昨日亦有陪同三名藝人黃宗澤、王浩信和陳自瑤前往個人資料私隱專員公署，不過由於有工作在身，故她提前離開，不過仍留下代表律師在現場跟進事件。陳芷菁強調今次只是演藝人協會保護藝人私隱的第一步：「我哋唔會淨係針對無綫呢幾位受害人，其他藝人，例如薛凱琪同黃秋生嘅囝囝，佢哋嘅個案我哋都想跟進埋。我哋希望今次嘅事件可以做到先例，若可以成功循民事起訴到嘅話，最希望政府可以修例，授權畀私隱專員公署去修改條件，令到佢哋可以做番一隻有牙嘅老虎。」

演藝人協會理事陳芷菁（左一起）和樂易玲，陪同王浩信、陳自瑤和黃宗澤往私隱署。