何紫綸幫手湊仔全力「芝」持
何紫綸（Ann）表示與舊愛張豪龍仍是好友，與張栢芝更是保持聯絡的好朋友。對於有指栢芝將兩個兒子留在香港由家傭照顧，自己則到外地工作，令奶奶拉姑及謝霆鋒擔心及質疑是否適合人選？Ann說：「栢芝同霆鋒兩公婆都係為工作，有時為做嘢要出外，交託畀家傭或朋友照顧係在所難免。大家都好錫栢芝，好似Rick Chin咁上去幫手照顧吓，大家都冇所謂。因為以往我哋屋企有咩事，又或者有小朋友要照顧，栢芝都好樂意主動幫手照顧，所以呢個質疑傳聞令我覺得好奇怪！（霆鋒明示離婚？）我唔知道，我唔會主動過問。」
