栢芝笑晒抱仔曝光

謝霆鋒和張栢芝的婚變風波，仍處於「冰封」關係。「失蹤」多時的栢芝，自婚變風波後，昨日首度在港曝光，栢芝於風球高掛下，被本報發現與兩名寶貝仔到公園玩耍，備受婚變風波困擾兼大病初愈的她，精神飽滿，母愛盡顯。

鋒芝婚變風波擾攘逾月，傳聞更是層出不窮。霆鋒目前仍身在吉隆坡，拍攝英皇電影《逆戰》宣傳片；而栢芝自拍完《影子愛人》返港後即「失蹤」，未有蒲頭，其行蹤更是眾說紛紜。

本報日前已披露栢芝與兩個囝囝Lucas和Quintus一直留港，並居於陽明山莊，惟她日前病倒，要臥病在家。至於霆鋒日前雖獲五天假期，但鋒芝婚變，仍處於「冰封」階段，他寧留在吉隆坡，也不返港慶祝父親節。

精神飽滿冇暴瘦

至於婚變風波後未有在港露面的栢芝，昨日被本報發現蹤影！雖然昨日掛起一號風球，但栢芝仍風雨不改，帶同寶貝仔Lucas和Quintus到公園享受親子樂，Lucas還在沙池玩得不亦樂乎，精靈活潑，而盛傳因受婚變困擾而患抑鬱的栢芝，仍見精神飽滿，絲毫沒有暴瘦迹象。

由於大病初愈，故在炎熱天氣下，栢芝仍身穿長袖衣服，不過她有氣有力，還單手抱起歲幾的Quintus，母愛盡顯。當栢芝發現記者後，只大方婉拒說：「唔好意思，我依家同囝囝玩緊，畀啲空間我，你哋行遠少少影啦！」當她離開公園時，記者把握機會求證栢芝有關最近種種傳聞，栢芝說：「不實報道唔回應，唔該晒！」

否認飛米蘭散心

事後記者致電栢芝經理人Emily，她說：「栢芝身體好弱，但已經好番好多。（着好多衫？）大病初愈。」問到霆鋒放了五天假有沒有返港，Emily冷淡的說：「唔見喎！（點解五日都唔返？）唔知呀！你問番謝先生（謝霆鋒）。（栢芝嬲霆鋒？）我唔知呀！唔講喇！」有傳栢芝會帶同兒子飛往意大利米蘭散心，Emily亦予以否認。