「Barbie姐」廖祉甯放胸益街坊

即將推出寫真集的廖祉甯（Barbie姐），在泳衣舖僅穿「倒奶」泳衣，更「胸」前大解放到收銀處付款！正在減肥的她一串魚蛋當兩餐，相當搏命！

去年參加港姐再戰亞姐，憑着一張「寸嘴」成功引人注意的Barbie姐，早前簽了新經理人公司，預備在娛樂圈大展拳腳，推出個人寫真集。日前她到銅鑼灣Roxy揀泳衣，期間不惜跪地挑選放在較低位置的泳衣，最後選了一些極少布的比堅尼泳衣試身，為首本寫真集瞓身搏盡！

着住三點式畀錢

向來言行出位的Barbie姐，揀泳衣都揀得出位過人，她換上三點式泳衣後步出試身室，看到一個合心水的沙灘袋，竟然未換便服就到收銀處付款，大騷34.5C身材益街坊！然後她轉戰沙灘鞋，俯身取鞋時，事業線「危危乎」，更差點失守！Barbie姐足足揀了逾二十分鐘，似乎是為了配搭多套沙灘戰衣，迎接書展的寫真大戰。

揀完泳衣後，Barbie姐本想到附近的內衣店「血拚」，但因店舖關門而未能如願。曾被指肥嘟嘟的她，最近正為拍攝寫真而減肥，但經過魚蛋檔時，竟無法忍口買了一串魚蛋，在街頭吃得津津有味，事後記者致電問她是否在減肥期間無法忍口？她說：「唔係！嗰串魚蛋係我嘅早、午餐嚟o架！」

廖祉甯（Barbie姐）Profile

年齡：26歲

三圍：34.5C、23、33.5

身高：5呎3吋半

入行經過：2010年接連參選港姐及亞姐，可惜最終名落孫山，但仍憑無厘頭偉論「響朵」，最為人「津津樂道」的莫過於將「備戰」食字變「鼻戰（War of Nose）」。

文：影視組