伍詠薇玩Chok騰晒雞
阮兆祥與伍詠薇拍檔主持《變身男女Chok Chok Chok》，二人昨日出席拜神活動，首次擔任遊戲節目主持的伍詠薇坦言緊張，當祥仔稱她是前輩時，她笑言幸得對方照應，但祥仔笑說：「佢係我前輩，而且佢喺人妻界中，數一數二。」伍詠薇說：「我第一次做主持已經好緊張，要請埋嘉賓就好難，我真係靠祥仔，佢一見我笑，就知我唔記得對白。」
對於好友蔡一傑的涉醉駕案即將有裁決，問到會否請蔡一傑擔任嘉賓，她說：「阿傑係我至愛，如果第一集嘉賓唔熟，我仲緊張，大家都要輕鬆。」問到會否擔心蔡一傑？她說：「唔擔心，一切放鬆，唔好畀壓力，我會祝福佢，因為我同佢係好好好好的朋友。（會唔會陪佢出庭？）唔會。」
伍詠薇與阮兆祥擺Chok甫士合照，順便宣傳節目。