港姐(3)許亦妮自認腰短
無綫《2011香港小姐競選》外景行程昨日到台灣名勝日月潭拍攝，14名港姐更到一間文武廟拜神求籤。問到最近是非多多的(3)許亦妮會否求籤希望摘冠？她否認：「我係佛教徒，選美攞獎係評判決定。（泳裝表現失準？）嗰日啲甫士唔好，我個缺點係腰短，胸骨大，睇落似肥。（不忿被指肥？）唔係，係有啲肥，可以改進吓，我已經食少咗Keep Fit，第二次影泳衣相會留意吓甫士！」
佳麗對今次外景行程各有感受，愛運動的(1)甄敏婷不覺辛苦：「我喺加拿大踢咗10年足球，（有冇甲組腳？）冇！我對自己腹部滿意，好Fit！」但(9)麥美恩則嫌辛苦不夠瞓：「都有啲辛苦。（搵個男友撒嬌？）冇男友呀！（台灣搵？）邊個地方嘅男仔都冇所謂，最緊要鍾意我啲性格，不過今次太忙冇機會，都係專心比賽。」
(1)甄敏婷（右起）、(9)麥美恩與(3)許亦妮對外景行程各有感受。
羅仲謙與候選港姐乘遊艇出海拍攝外景。