一秒杏兒 明「露」任影嘩嘩聲
於新片飾演周潤發七姨太的胡杏兒，雖然只得一秒鏡頭，昨晚仍畀足面露「事業線」撐首映場。身穿低胸裙的杏兒甫到場即搶盡「峰」頭，在場傳媒無不「嘩」然，罕有性感的她尷尬地說：「難得咁大場面，梗係要着靚啲！平時除咗台慶同頒獎禮，都冇咩機會咁着！」
「男友」黃宗澤近日慘被偷拍全相，杏兒如此性感登場，即被問是否都想「露」兩手？她說：「唔介意，最緊要靚！（出門前有冇『落樓下』畀黃宗澤睇？）冇，頭先啱啱開完工，現場咁多大人物，唔敢遲到。（性感唔使男友過目？）唔使！」她又自爆曾追問其一秒片段有否被刪剪，幸而「安全過關」，隨即被取笑「勁過湯唯」，她即說：「唔係！唔好咁講。」又笑言在巨製中能做「茄喱啡」，與有榮焉。
杏兒自爆很緊張其一秒戲份，慶幸最後有得「出鏡」。