發哥斥偷拍過火恐怖

影帝周潤發昨晚出席《建黨偉業》首映，直斥近日藝人被偷拍事件過火，笑言家中廁所防禦力強冇有怕！發哥大讚同片演員劉燁的演技，更自謙演不來對方的角色。

內地票房走勢凌厲的英皇電影《建黨偉業》昨晚在會展舉行慈善首映禮，三大影帝周潤發、張家輝及劉燁在電影外再碰頭，星光閃耀全場，同片演員葉璇、Angelababy、胡杏兒、馮遠征、李沁、李晨等亦與英皇藝人齊齊撐場。

發哥以青靚白淨後生Look現身，翹實有影皆雙的發嫂入場，並與英皇老闆楊受成伉儷在簽名區握手合照。發哥向來關心娛樂圈大事，談到近來藝人被偷拍事件，他皺眉說：「有啲過火！拍咗都唔好出吖！（擔心？）都擔心o架！如果影到咪好恐怖，核核突突咁！」但他表示在家不愛裸體，對於廁所這個高危地點，他放心地笑說：「我廁所好隱蔽，有磨沙玻璃，我又唔會唔着衫出騎樓！」

讚劉燁：佢先係主角

講到《建》片，發哥對後輩劉燁讚賞有加，得知對方曾表示此片有發哥助陣，即沒有太大壓力，發哥說：「佢先係主角，我係襯o架咋！（佢話想交換角色？）唔得！我演唔嚟，我都唔似。（佢話冇對手戲好可惜？）之前都合作過，佢做我個仔，合作嘅嘢大把機會啦！」他又指此片雲集很多好演員，每日拍攝都非常開心。而向來親民的他不但大受市民歡迎被喪(目及)，連鍾舒漫與杏兒等藝人亦抵受不住神級影帝魅力，爭取機會索合照。

此外，問到鋒芝婚變傳聞？發哥說：「冇嘢啦！（有傳栢芝帶囝囝返加拿大？）咁嚴重？係咪去升學咋？（聽聞收埋兩個仔？）唔會呀？佢係未來之星，做乜收埋佢？」