婷婷開解 霆鋒隻芝不提

鋒芝婚變風波擾攘逾一個月，早前飛赴吉隆坡負責開解哥哥謝霆鋒的謝婷婷，昨日出席活動時指哥哥心情未有異樣，但沒有提起栢芝，更踢爆其表情似「食咗花生醬嘅檸檬」！

鋒芝婚變風波的傳聞每日層出不窮，由於兩位當事人至今仍未回應事件，令雙方家人成為傳媒追訪對象！與霆鋒感情極佳的婷婷日前飛赴吉隆坡，借陪男友安志杰拍英皇電影《逆戰》宣傳片為名，照顧哥哥為實，可見兄妹情深。

已返港的婷婷昨日出席手機活動，成為傳媒焦點，被問到霆鋒的情況，她坦承在吉隆坡已與霆鋒見面，談到哥哥心情如何，她表示「冇乜嘢」：「佢都係日日打機，唔係要發洩，因為佢由細到大都鍾意打機，我哋冇特別傾阿嫂（栢芝）嘅嘢，反而講打機嘢，其實今次係探安志杰班，順道探埋阿哥。」

唔敢提唔敢問

有傳栢芝會帶兒子離港返溫哥華，婷婷表示不知道，又謂若然哥哥沒有主動提及，她也不敢多問。問到媽咪狄波拉是否也飛往吉隆坡？婷婷表示媽咪仍身在新加坡，幫丈夫鬍鬚Kong湊孫。對於媽咪和爹哋謝賢很久沒有見兩個孫，她表示與姪兒Lucas和Quintus亦不是常常見面，上一次見面已是兩個月前。問到如果鋒芝離婚會否支持？她只說：「希望佢兩個開心！（勸霆鋒挽救婚姻？）冇提過，佢唔主動講，我亦唔會問，總之佢心情冇變！都係食咗花生醬嘅檸檬咁漿住咗個口，聽唔到佢講乜。」

抱仔先飛米蘭

婷婷再三強調哥哥心情未有異樣，日前在當地出席朋友的生日派對，滴酒不沾。婷婷直言了解哥哥為人：「佢要講自然會講，但我覺得佢會搵朋友傾多啲，佢大個仔喇！（你擔心？）由細到大佢好多事發生都處理得好好，所以我覺得佢會搞得好。」雖然阿嫂栢芝負面消息不絕，但婷婷對栢芝印象沒變過：「係有好多人講，但我唔想聽，始終涉及佢哋私事，若然去求證嘅話，亦似乎太多事。」

另外，自傳出婚變後，鋒芝行蹤備受關注，尤其是栢芝行蹤成謎！昨日本報獨家披露栢芝會帶Lucas和Quintus乘坐今日凌晨班機離港到溫哥華會合母親及家姐戴碧芝，而栢芝位於陽明山莊的寓所昨日未見動靜，但有指栢芝會帶兩個仔先赴米蘭再去溫哥華。本報記者昨日致電身在加拿大的栢芝媽咪，惟她一聽到是記者來電，即匆匆收線。