反叛學生哥Chok爆晒肌

無綫新進男藝員羅鈞滿（Moon）、黃得生（Dickson）及楊潮凱，因在劇集飾演反叛學生哥「升呢」，日前三子「港男」上身，齊齊掀開上衣鬥晒腹肌騷Quali，肌誘女生！

文：專案組

無綫男藝員羅鈞滿、黃得生和楊潮凱，因在劇集《點解阿Sir係阿Sir》飾演反叛學生而為人熟悉，他們與陳豪、楊怡和鍾嘉欣等合作愉快，又與新任「宅男女神」樂瞳老友鬼鬼。三個大細路因拍劇而成為老友，閒時愛踢波吹水聯誼，拍照當天還「港男」上身，掀開上衣擺出Chok爆甫士，兼且鬥晒腹肌騷Quali，場面搞笑。

不擔心被定型

三子不諱言希望《點》劇可以開拍續集，Moon說：「當然想開拍續集，不過最緊要班底喺番度，可以係一個新故事，帶畀觀眾新鮮感。」三子最近與師姐胡定欣合作新劇《拳王》，劇中三人飾演蠱惑仔，會有吸煙及打架戲份，問到是否突破形象？楊潮凱說：「本身我哋唔食煙，所以拍嗰陣都有啲辛苦，但算係一個突破。（上癮？）唔會啦！本身都唔鍾意食。」

接連演反叛及蠱惑仔角色，問到會否擔心被定型？Dickson說：「唔會，我哋都演過其他角色，做演員最緊要試唔同角色，咁樣先有進步。」Moon說：「我仲想演奸角呀！因為好有發揮。」