搶閘慶祝父親節阿B陪女戲水
本周日是父親節，身在內地拍戲的鍾鎮濤（阿B），日前看到女友范姜帶同兩名女兒鍾懿及鍾幗探班，教他驚喜不已。雖然拍完通宵戲，但兩個「心肝椗」大發嬌嗲，要他陪游泳，阿B笑說：「見到佢哋鬼打咁精神。」
阿B坦言兩名女兒逐漸長大，他很珍惜與女兒相處的時光，細女鍾幗雖然得歲半大，但已識得錫爹哋，他笑說：「每次有嘢食，佢都會第一時間遞畀我，同我一齊分享。」而鍾懿的體貼最教阿B難忘，有次他不適咳嗽，為怕傳染女兒，他叫鍾懿別走近他，誰料鍾懿說：「你擰轉面呀！」原來她幫阿B拍背脊紓緩，氹得阿B心都甜埋。
