搖滾正能量超儀天眼通改運

何超儀再戰樂壇發揮搖滾精神，揚言已徹底改變人生觀的她，深信正能量可改變命運，如今處事較以前從容，行事懂得享受箇中樂趣。

文﹕影視組

超儀愛犬Uni兩年前離世，其後她與三位好友以愛犬的名字組成樂隊「何超&The Uni Boys」。她說：「佢哋話陪我玩音樂，就好似Uni仲陪喺我身邊咁！」樂隊鐵定下周四參與Band Show，下月將推出搖滾EP測試樂迷反應，兩年沒有推出唱片的她顯得雄心萬丈。

談到Uni離世，超儀不無惋惜地說：「佢同我好有緣，我覺得佢好有靈性。記得舊年暑假我哋喺台灣出騷，本來我嗰日把聲麻麻哋，點知一出場就好OK，我覺得Uni都喺天上面聽緊囉！」她坦言未曾與隊友衝突，隊友更令其執着的個性改變﹕「以前出騷演得唔好，心情會跌落谷底，不過佢哋同我講，話最多咪同大家講聲唔好意思囉！最緊要係自己唱得過癮！咁樣諗自己壓力真係冇咁大。」

出碟自信贏面高

對於即將推出唱片的銷量，超儀全無顧及商業市場需要，更被戰友兼團長Kelvin大讚夠膽量，完全符合搖滾精神。她說：「好似我哋首主打歌叫『天眼通』，我相信念力可以改變命運，只要你有信心，就乜都有可能，正能量好緊要，所以我哋張唱片贏面好高，只係贏幾多啫！」

超儀以個人經驗印證「念力」有效，她說：「我成立電影公司，去到外國竟然可以同啲成世冇諗過可能合作嘅人合作，我覺得自己得着好多啦！」談到與幾位朋友發展為合作夥伴，超儀透露計劃將這份團隊精神由音樂方面伸延至電影：「都有諗同佢哋合作拍戲，最快會係年底嘅事。」