失戀半死狄易達喊得出
歌手狄易達早前為新歌《半死》變身失戀男，與小師妹黃詠彤（Ringtone）奉旨談情拍攝MV，幻想投入角色的達仔更淚灑拍攝場地：「真係喊o架！唔係眼藥水，初初導演叫我喊，都有啲緊張，怕自己喊唔出，都有借用番以前嘅片段幫自己催淚。」問到是否曾遇過類似經歷？他說：「失戀人人都會有，但最貼切係『半死』兩個字，因為最近工作都幾密，而且要處理跳舞學校嘅運作！」
除了錄音工作外，達仔正拍攝無綫劇集《潛行狙擊》及主持J2節目《安樂窩》，有指機會增多與唱片公司大老闆陳國強入股無綫有關，他說：「如果咁講，會唔會抹殺咗一班同事嘅努力呢？自己只係畀心機去做好每一個工作，明白機會唔係咁容易有，知道同事為咗我花咗好多心機同時間去爭取，我相信只要盡力去做，觀眾係會睇到真相嘅！」
狄易達與師妹黃詠彤拍攝MV，奉旨談情。