獲「總統」待遇張文慈呻笨
今年快過了一半，張文慈（Pinky）獲邀返內地剪綵已近十次之多，荷包腫脹之餘，更不時獲主辦單位熱情款待。日前她獲主辦機構熱情款待，食用五星級不在話下，更貼心為她準備禮物，她說：「燕窩、魚翅任食唔嬲，佢哋仲送禮物包畀我，返屋企打開一睇，有大利是之餘仲有金擺設，真係意外驚喜！」
Pinky入住大會為她租用的酒店總統套房，想不到Check Out時才知自己「唔識貨」﹕「入到去見到間房好靚，咪走入去瞓囉！點知後尾先發現嗰間其實只係客房，騰空咗間主人房連自己都唔知，真係激死！」談到瘦身之道，她笑言相當自豪，正計劃稍後相約好姊妹去曼谷旅行享受日光浴：「好耐冇着過泳衣，今次一定去游水玩到盡，如果效果好，唔介意放番兩張靚相上微博嘅！」
文慈入住酒店總統套房歎番晚。
張文慈又食又拎又有錢賺，認真令人羨慕！