陳茵媺叫陳豪小心啲
昨日陳茵媺以剪綵嘉賓身份出席開幕活動，問到陳豪有否送贈名貴手袋？她說：「用自己血汗錢買會開心啲。（陳豪送呢？）唔收住！（男友喎！）未係住。（第二次約會未？）未呀！」對於黃宗澤寓所被偷拍，問到會否叮囑陳豪小心？她說：「大家都要小心，唔止藝人。（擔心成為下個目標？）唔應該，唔知咁算唔算犯法呢？」
另一邊廂的陳豪昨日出席活動，對於獲陳茵媺稱讚，他說：「OK o架！（讚吓佢？）好多嘢可以讚，不過在心中！」對於黃宗澤被偷拍，他坦言傳媒緊貼藝人感情生活，因此會小心一點。問到是否擔心偷拍不敢拖陳茵媺？他說：「如果你哋輕鬆啲，機會咪大啲囉！畀啲空間我哋啦！」他獲贈一部平面電腦，笑言要求大會送多部，讓他送給陳茵媺。此外，他以代言人身份為西餅店拍攝全新廣告，即席彈奏一曲《漣漪》，迷倒一眾女工作人員！
有愛情滋潤的陳茵媺，笑得零舍Sweet！
陳豪與靚女拍廣告，享盡艷福！