無綫斥《忽周》《FACE》不道德

繼陳自瑤及王浩信後，黃宗澤又在家中被偷拍全裸露股相，並指胡杏兒趕往「撲火」！對於藝員連環「中伏」，無綫發聲明譴責《忽然1周》及《FACE》不道德。

無綫昨晚發聲明嚴重譴責《忽然1周》及《FACE》偷拍黃宗澤及王浩信與陳自瑤的行為，指偷拍藝員在家中甚至私人房間內的情況，屬不道德偷拍行為，完全侵犯私隱，並謂無綫及旗下藝人保留法律追究權利。而Bosco昨晚在經理人陪同下返電視城為《潛行狙擊》開工時表現無奈：「唔開心梗係有，都好無奈，雖然話做藝人預咗冇私隱，但嗰個係我睡房，過晒我嘅底線，我都有阿媽生㗎！我鍾意陽光入屋，有時沖完涼會唔着衫周圍走。（杏兒在場？）唔係！都唔同時間。（同居？）佢住樓上，但成日嚟食飯。（髻都未除，好急？）佢要返工嘛！」

如強姦拍裸照

Bosco坦言杏兒及不少朋友有致電安慰，問到是否慶幸杏兒冇被偷拍到不雅照？他說：「可能佢平時都好小心。」而杏兒則透過短訊回覆「冇回應」。

與Bosco有同類慘痛偷拍遭遇的陳自瑤，當日形容自己如被強姦。昨日她接受電話訪問時表現更激，咬牙切齒斥責這種偷拍惡行，猶如強姦完人再拍人裸照公諸於世，跟歹徒沒有分別，有着切膚之痛的她更促請政府盡快立例管制此等偷拍：「我哋已經畀人踩到上心口，平時畀狗仔隊跟蹤都算，我哋藝人都係普通人，返到屋企都有私生活，我哋喺觀眾面前要顧形象，依家我哋（指與黃宗澤）畀呢班不道德嘅人咁影，太過分喇！我哋連少少私隱都冇埋，我覺得Bosco應該告佢哋！」對於昨日無綫發聲明譴責《忽然1周》及《FACE》，她稱公司為他們這班受害人挺身而出是應該，可為他們取回尊嚴，但能否取得公道，則要看政府會否「處理」。