Iris Monna 戰鬥格 上海拍寫真住埋6日

陳靜師妹「混血E神」Monna及「爆E超蓮」Iris將孖住出寫真，貪靚的Monna任何時候都注意打扮，令Iris大感威脅，笑言要進入作戰狀態，以免被揮低！

有「百果園咪神」之稱的陳靜（DaDa）今年再接再厲推出寫真，同公司的兩位E Cup師妹「混血E神」Monna（林宜芝）及「爆E超蓮」Iris（鍾采羲）亦會孖住出招！早前二人到上海拍攝寫真，逗留六日五夜，感情增進不少，亦發現彼此性格完全不同，Monna極度注意儀容，任何時候都執到正；相反Iris是「烏Wei」傻大姐，不用出席公開活動時打扮隨便。性格爽朗的Iris笑言受Monna影響，學懂無時無刻都要處於作戰狀態：「之前經理人都話過我，勒令我平時出街都要着靚啲！今次見到Monna幾時都咁靚，仲唔打扮吓咪好蝕底？」

五變二壓力大

另外，Monna在上海有不少朋友，她說：「今次休息時間都唔夠，見唔晒啲朋友！希望可以再去上海。」而第二年出寫真的Iris坦言壓力不少：「上年舊公司係五個女仔一齊出，今年就得兩個人，壓力係有，希望大家多多支持！」首度出寫真的Monna原來是被DaDa睇中，再介紹給經理人施念慈，並極力推薦她出寫真，公司對她甚為重視。