周秀娜金剛箍防男友偷食

宅男女神周秀娜（Chrissie）昨日為《小敗犬˙大作戰》活動擔任教官，教參賽者變身和識男仔，僅露長腿的Chrissie性感程度竟不及一位以比堅尼Top上陣的參賽者，她看見對方即時扮作彈開！

問到如何結識男仔？Chrissie坦言不會主動出擊：「係對方做主動，所以冇話點樣追男仔。（係咪好多男仔追你？）諗番讀書嗰時，有人傳紙仔畀我，但我以前讀女校嘅。（咁咪男女通殺？）總之通常係人哋做主動啦！」問到男友會否信不過她而送上貞操帶？她笑說：「咁又未去到咁唔信任嘅程度，你哋咁講，我諗住送個金剛箍畀佢。（有咩渠道可以識你？）上吓微博，上網。（有冇人問價？）咁又冇！」她更自言是無價寶。

騷長腿的周秀娜（左），不及騷胸的參賽者性感！