拒提「謝家之光」四哥尊重兒子決定
自傳出鋒芝婚變後，謝賢（四哥）昨日首度公開露面，出席由三皇集團舉辦的《即時享瘦分享會》，與陳嘉桓（Rose）分享產品用後感。全程拒談鋒芝的他，離場時吸引半百傳媒追訪，場面混亂！甫到場已強調「冇嘢好講」的他，自言心情好好，問到如何慶祝父親節？他說：「同我老竇慶祝！（你老竇？）喺下面慶祝！（同啲孫過節？）呢啲事唔到我講喇！（有傳栢芝榨乾霆鋒身家？）你都Short嘅！」
邊行邊傾的四哥，問到是否尊重兒子決定？終於停一停才說：「你講得啱！（霆鋒係咪決定離婚？）如果我離婚就話你知啫！（你同拉姑離婚時咪講咗囉！）都係問番我個仔啦！」再問到是否仍覺得栢芝是「謝家之光」？他粒聲唔出上車。至於首度代言收身產品「當糖輕．當堂瘦」的Rose表示，使用1個月已減了8、9磅，纖腰更只得23吋，幸冇降Cup。談到早前在活動上被設計師熱情款待，她坦言會小心。
謝賢笑笑口出席活動，與Rose分享產品用後感。