千嬅疑似「僭建」「有問題會處理」

與阿Sa出席電台活動的楊千嬅，對於新居被指為「風水生B屋」兼出現僭建物，她說：「間屋係買畀父母住。（僭建？）設計係交畀室內設計師負責，佢有參考鄰居嘅設計，如果有問題會處理。（旺丁搬返去？）我同丁生（丁子高）嘅旺丁方法，係只要嗰件事唔係喺香港發生就得，喺香港好大壓力。」將到北京拍戲的她表示怕未能專心，應不會叫老公探班順勢造人。

同場的謝安琪（Kay）被指因經理人夏森美做事作風影響續約環球，她說：「有排未滿約，要幫經理人澄清，佢絕對唔係麻煩人，咁講我好痛心，佢係幕後都要承受，佢好慘！唔好咁話佢啦！同環球合作好開心，應該係長久。」

千嬅（右起）、張敬軒和Kay出席電台活動。