林子祥呼籲樂迷咪遲到

林子祥(阿Lam)於本周五起假紅館舉行三場《VINTAGE LAMUSIC CONCERT》,昨日他到Band房綵排時表示會於約三個小時的演出中,獻唱最少六十首名曲:「盡量都唔希望唱到超時,唔想罰錢!希望觀眾準時入場,等個騷可以準時開始!」為紀念入行35周年,他更會於個唱送出限量版18K電鍍金牌。

此外,阿Lam的子女林德正(Alex)及April亦有到場探班,April從事有關音樂會推廣工作,全家的職業都跟音樂有關,阿Lam說:「可能係遺傳!個仔遲啲會出碟,依家揀緊歌。佢最大嘅問題就係諗緊留唔留鬚,驚留鬚太似我!有啲人就鍾意佢冇鬚,白白淨淨靚仔啲!」

阿Lam(中)獲兒子Alex及女兒April探班。