胡杏兒女上男下搬近黃宗澤
藝人胡杏兒最近被指搬到男友黃宗澤樓上，實行女上男下方便監察！杏兒昨日出席《樂府藏龍》開廠拜神儀式時，坦承搬近男友：「因為屋苑外牆裝修，又嘈又烏煙瘴氣，以前去過佢屋企覺得幾光猛，咪搬過去囉！（方便見面？）唔係，成日都見到啦！（唔同居？）唔得！未係同居階段！（驚畀佢見到未化妝個樣？）唔化妝個樣喺化妝間成日都見到啦！」記者取笑她經常跟男友住同一屋苑，她即反駁：「上次係佢搬過嚟o架！」
另外，同場的鍾嘉欣早前亦被拍得與圈外男士約會，她解釋是朋友普通吃飯，中途落車是不想朋友因她而被起底，但不會避忌再約吃飯。至於早前跟吳卓羲傳緋聞的馬賽，問到對方被拍得駕跑車接載另一緋聞女友張馨予？她說：「我同卓羲只係普通同事，唔方便講人哋嘅事，證明之前嘅緋聞係假！（甩難？）唔好用呢個詞。（酸溜溜？）更加唔會！」
鍾嘉欣（左）及胡杏兒宣傳新劇時，杏兒承認搬近黃宗澤。
黃宗澤
一眾藝人為新劇舉行開廠拜神儀式。