Chrissie經理人貼身護「女」
周秀娜（Chrissie）經理人Roy表示，行內確實有不少人借故對旗下模特兒毛手毛腳：「模特兒公司係去捧個Model，唔係去搞個Model，要有明確指引保護佢。」他強調如遇上身體接觸，盡可能會派女同事到現場打點。而施念慈為保護旗下模免受騷擾，除了聘請助手貼身保護外，斟洽工作時必定先了解詳情，包括所需穿着衣服及合作公司背景等，她又呼籲未簽經理人的模試鏡時，要盡量搵朋友陪同。
此外，Baby的經理人Kim教路：「影裸照好有問題，好離譜！如果間公司要求啲女仔拍裸照，咁係唔配做模特兒公司，同埋試鏡通常喺日頭，唔會夜晚進行，除咗係嗰個工作特別指定要喺夜晚影例外。我會同所有模特兒講，如果發覺工作同之前講嘅唔同，要打電話問公司，由公司處理。同埋有啲模特兒會自己喺出面做私影，畀人影相，總之入咗我公司就唔可以影私影。」