Phoebe被要求內衣面試

葛民輝Icon女許穎（Phoebe）曾試過到模特兒公司面試，對方臨時要她換內衣及泳衣，但她仍照做：「好在仲有其他人在場，個男人冇對我鹹豬手。」其後得知該公司因偷拍女模換衫被告，令她大為擔心，以後會提高警覺：「換衫會睇勻周圍有冇疑似偷拍器材，仲會背對窗口。」

「爆E超蓮」鍾采羲（Iris）認為事件影響模特兒行業，強調不會拍裸照，以免抱憾終生，她自言未試過被人抽水，但會處處小心。

「嫩版杏兒」江怡（Betrys）在微博氣憤地說：「希望姊妹們明白！工作從來都不是用肉體交易換來的，別再被壞人欺騙，在我眼裏心裏，這樣的人包括他的人格都一文不值！」

「E級教主」鄧伊玲（阿旦）聞模被非禮即不寒而慄：「做模特兒真係要好小心，防止有人乘機抽水！」她表示有模特兒好友遇鹹豬手：「佢話Casting時個客扮晒幫佢整衫，點知勁掃佢背，如果係我會報警！」

Angelababy：「好好彩冇試過受騙，公司幫我揀工作都好好。（點樣提防受騙？）做嘢時要醒目啲，發覺有奇怪嘢，要即刻同公司講，第一時間走，而且次次都有助手陪住我，加倍安全！」

郭秀雲：「女性自古就被博懵，要睇個女仔點處理！我18歲時都試過去人屋企，對方飛撲過嚟，最後畀我打到攤喺地，但之後我都驚到喊！」