陳豪陳茵媺未拖手
陳豪昨日出席英國鞋履品牌Clarks銅鑼灣新店開幕活動時，甜絲絲承認日前和陳茵媺撐枱腳，更指是大家首次約會，事後亦親送對方返家。問到當晚約會感覺如何？陳豪笑說：「OK啦！（有冇進展？）冇。（拖手？）未。（示愛？）未呀！食飯啫，慢慢嚟！（印象點？）好好呀！（佢對你印象？）OK啩我諗。（當晚食咖喱雞？出埠約會保障私隱？）大家放鬆啲，唔好緊張，慢慢嚟！（視女方為結婚對象？）如果到咗嗰一刻，我會話畀大家知。」但當記者笑說陳豪要快手，否則女方會被別人搶走時，陳豪立刻拍拍布景板示意「Touch Wood」大吉利是！
