佈道會鼓勵年輕人 衞詩挨實男友冧爆扮雀
衞詩（Jill）昨日出席上水北區大會出席見證佈道會，中英混血男友Tim及其姊衞蘭（Janice）現身支持。Jill甫見男友即小鳥依人的依偎在對方身上，二人笑容一致兼企定定任影，十分甜蜜！Jill冧爆說：「佢特登趕過嚟支持我o架！」她以一身全黑打扮現身，紮上髮髻的她顯得後腦頭髮有點稀疏。
Jill透露會在佈道會上分享日本藏毒及信主經過：「可能有好多人都唔知我發生過呢件事，同埋現場有好多青少年，我想鼓勵佢哋！」她又謂信主後發覺連唱歌亦有所改變：「我以前唱歌完全唔知歌詞講乜，一啲感覺都冇，依家唱歌發覺把聲唔同晒！」
問到是否即將加盟MC Jin旗下的經理人公司？Jill說：「我當然想，但仲未傾好！（係咪全面復出？）都算，嚟緊我會出書講述喺日本（吸毒）事件同埋由細到大嘅經歷，本書叫《Reborn》（重生），跟住又要做福音電影宣傳，所以音樂要遲啲先落實！」
有男友捧場，衞詩開心得高舉「V」字手勢，二人的笑容與動作一樣啱Key！
紮上髮髻的衞詩，後尾枕頭髮顯得有點稀疏！
衞蘭現身支持妹妹衞詩。
衞詩不時抬高頭與男友「蜜蜜斟」。