吳浩康吳嘉龍讚狀態Fit
吳浩康（Deep）前晚與女友莊思敏、王敏德出席迪士尼慈善搏擊晚宴，身為謝霆鋒師弟的Deep，坦言出於關心及八卦心態故有留意鋒芝婚變新聞，不過他指今次是鋒芝兩人的事，不便作出評論：「希望可以快啲完結，等霆鋒有好嘅狀態完成套戲！」日前曾到吉隆坡客串《逆戰》的Deep，大讚霆鋒狀態甚Fit，他說：「霆鋒仲畀我睇佢場跳樓戲，好勁！」對於有指鋒芝會公開交代事件，Deep表示無論如何都會支持。
另外，吳嘉龍目前飛抵馬來西亞會合霆鋒等，為《逆戰》進行拍攝工作，預計逗留一個月。對於霆鋒的家事，他打趣地說：「唔講，因為唔關我事，總之我好珍惜呢個機會，明白自己只係綠葉，會盡量襯托霆鋒，發揮佢嘅牡丹效應。」不過他大讚霆鋒專業，寄望擦出火花。
曾有份客串《逆戰》的吳浩康和女友莊思敏，均表示關心鋒芝婚變消息。
吳嘉龍（右）大讚霆鋒專業，寄望與他擦出火花。