陳小春劃清界線 盧巧音讚霆鋒好仔送上祝福

謝霆鋒與張栢芝還未交代婚變傳聞，而雙方舊情史亦再次被翻，霆鋒舊愛盧巧音大方送上無限祝福，反之栢芝舊緋聞情人陳小春則「劃清界線」，表示不會聯絡她。

霆鋒與栢芝感情修成正果之前，分別在情路上跌跌撞撞，當婚變傳得熱烘烘時，一眾舊情人的名字再次活躍於各大報章娛樂版。記者昨日與霆鋒舊愛盧巧音（Candy）取得聯絡，她表示有留意相關報道，但因不太清楚箇中底蘊，故不便多言，她說：「不過霆鋒大個仔識處理o架喇！我對佢有信心，佢係好男人，孝順、勤力又聰明，相信佢唔會衝動嘅！」

談到與霆鋒的友情，Candy不諱言雙方已五、六年沒有聯絡，但不是怕栢芝呷醋：「我同栢芝唔熟，但佢好明白事理，呢個女仔好爽朗。兩公婆有爭執唔出奇，但希望床頭打交床尾和，總之我祝福佢哋。」

戴辛尉冇回覆

而身在內地趕拍新戲的陳小春，同樣側聞鋒芝婚變一事。當年他被拍得獲栢芝於泰國服侍推油的一幕，而床照事件爆出後，他更為挺栢芝而激動罵人，想不到隨着自己已為人夫，小春態度明顯一百八十度轉變，不想與對方扯上關係！

小春昨晚接受長途電話訪問時說：「好耐冇聯絡，我唔會特別打畀佢，事關依家佢有佢生活，我有我嘅忙碌，我亦唔鍾意八卦人哋嘅家事，我淨係知依家自己生活得好開心。」

至於霆鋒初戀情人戴辛尉及緋聞女友趙學而，直至截稿前仍未回覆。