王菀之（Ivana）早前為女性潔護膚用品廣告歌《柳暗花明》拍攝MV，打扮成「紅粉士兵」的她頭戴粉紅色毛毛高帽、腳穿毛毛靴襯厚絲襪，在烈日下暴曬10小時令她叫苦連天，Ivana笑說：「我頂得住，不過呢頂帽好似愛斯基摩人，我覺得自己好似粒棉花糖咁，個頭焗到出晒汗，不過係唔會溶！」
另外，她讚賞導演好有經驗及創意：「啲衫同背景襯出好鮮艷顏色，同埋呢個大波波好難買，所以只係買到幾個，要將個波拋來拋去，一落地就爆，幾秒就爛一個，好彩拍最後一個時好快完成，拍完又爆。」
王菀之頻頻整爆波，幸導演準備多幾個。
