DaDa借出福Bra撐阿旦

「百果園咪神」陳靜為撐師妹鄧伊玲出寫真，借出Bra兼送抱，希望「福Bra」可令銷量報捷，兩女更以團結暗寸同門互鬥的周秀娜與Jeana。

有「E Cup教主」之稱的鄧伊玲（阿旦）將於明日搶閘推出寫真集，以饗宅男！身為師姐的「百果園咪神」陳靜（DaDa），雖然同樣於今夏推出寫真，但兩女未有因捲入寫真戰而反目！DaDa更借出「福Bra」給阿旦：「我哋識咗好耐！唔會互鬥，反而好支持佢，Friend到可以一個Bra兩份用！我借咗喺日本買嘅毛巾質地Bra畀阿旦，佢E Cup着咗我嘅細碼Bra，效果更勁！我最鍾意就係嗰輯相！」

又攬又錫打氣

對於DaDa無限量支持，阿旦非常感激，希望對方的「福Bra」能為她帶來好運：「初初唔知放咩造型入寫真，有啲擔心！DaDa係咁畀意見我，陪我周圍行街去揀內衣，仲借埋束衣同內衣畀我，真係好多謝佢！有DaDa着過嘅內衣，希望會令我嘅寫真大賣啦！」兩女還以抱抱、錫錫互相打氣，強調絕不會為工作而傷感情！情同姊妹的二人以團結的實際行動，暗寸周秀娜與上位中的同門師妹Jeana互鬥。