四哥避聽電話　拉姑躁爆：唔好再問呀！

霆鋒母親狄波拉（拉姑）向來極度疼錫兒子，愛屋及烏下對栢芝亦愛護有加，又不時幫手湊孫仔Lucas及Quintus。對於鋒芝傳婚變，曾離婚的拉姑心情大受影響，昨日她外出時罕有黑面，更着記者離開！

黑面發老脾

昨午約3時45分，拉姑獨自到中環雪廠街附近的髮型屋，約半小時後，其夫鬍鬚Kong前來會合。戴上黑超的拉姑身穿螢光粉紅連身裙，但Sharp爆打扮難掩其低落神情，離開時發現記者拍照，她顯得有點抗拒，問到鋒芝心情如何，她即黑面說：「叫你哋唔好再影呀！唔好再問呀！行咁耐影咁耐！」二人到威靈頓街食雲吞麵後便搭的士離開。其實日前鋒芝開始傳婚變時，拉姑依然心情不俗，更笑笑口向記者揮手，與昨日可謂兩個樣；而霆鋒父親謝賢則一直沒有接聽電話。

至於霆鋒妹妹謝婷婷日前曾表示懷疑Lucas是否不用上學，似對栢芝經常帶Lucas離港的做法有微言，記者昨日致電婷婷的經理人，她煞有介事地說：「冇回應！（婷婷心情有冇受影響？）總之人哋嘅私事唔回應！」