栢芝以仔作籌碼榨乾霆鋒

謝霆鋒與張栢芝傳婚姻觸礁！據知，鋒芝早於兩年前已感情轉差，更兩度鬧離婚，栢芝經常為小事與霆鋒鬧交，又以兩名兒子作談判武器，務求吸乾霆鋒5億財產，終令霆鋒死心！

霆鋒與栢芝的5年婚姻最近驚爆亮紅燈，正當外界以為栢芝與床照風波主角陳冠希在機艙自拍一事是主因時，實情卻只是導火線！據知，鋒芝的婚姻早於兩年前已出現問題，更兩度幾乎離婚，消息指栢芝近年經常為小事撩交嗌，又希望全權控制霆鋒財政，令霆鋒「冇錢冇路數」，要永遠留在她身邊！霆鋒為了息事寧人，加上栢芝以兒子Lucas及Quintus作武器，要求有物業揸手，霆鋒為兒子不得不屈服。不過，自機艙自拍事件爆煲後，部分物業轉名的法律文件即時Hold住，令霆鋒不致「一無所有」。

昨日有報道指霆鋒單方面發律師信要求與栢芝分居，霆鋒昨日雖透過英皇發聲明否認，但對離婚的態度相當堅決，即使栢芝在自拍事件後傳短訊及致電，他亦沒有接聽，若二人離婚收場，照霆鋒現時5億身家計，栢芝將分得2.5億元。

物業轉名息紛爭

日前本報率先披露栢芝遷離舂坎角愛巢，與霆鋒母親狄波拉私交甚篤的查小欣，昨日在電台節目《巴巴閉邊個夠我查篤撐》中證實鋒芝已賣出舂坎角寓所套現，栢芝與兩名兒子遷往月租10萬元的陽明山莊，霆鋒更已支付1年租金。查小欣還表示據知情人士指，鋒芝其實很早已出現問題，上月在《金像獎》扮恩愛只為顧全大局：「栢芝成日為小事家嘈屋閉，霆鋒每次都想息事寧人，將手頭上嘅物業轉畀栢芝，亦成立基金，將所有錢轉畀基金，而基金唯一受益人係栢芝，但栢芝都係一次又一次同霆鋒大吵大鬧，霆鋒唔會還擊，將物業一個個轉畀栢芝，連佢買畀四哥嘅千幾萬豪宅都畀埋栢芝。」

甘願棄爭撫養權

栢芝復出拍戲後，與霆鋒聚少離多，爭拗更多，查小欣說：「後來見物業轉得咁上下，栢芝就要求賺大錢嘅製作公司股份都轉為佢名下，好似想一鋪清霆鋒袋，但我當時唔相信，因為佢哋復合當初，栢芝打畀我傾，話佢好愛霆鋒，如果霆鋒唔要佢，唔知點算！估唔到事隔5年，今日嘅栢芝對我嚟講好陌生。」

查小欣指不少朋友都替霆鋒不值，但霆鋒為兩名兒子甚麼也答應：「就算撫養權都會畀栢芝，唔想兩個小朋友小小心靈受傷。」查小欣表示霆鋒的身邊人最怕栢芝帶兩名兒子到馬來西亞向他跪地認錯，而霆鋒若提出離婚，將頓變「三失」：失財、失家、失形象，不過自拍事件後，律師準備好的文件都Hold住，二人名義上還是夫妻。據知，栢芝當年在床照風波後亦曾向霆鋒跪地認錯。至於查小欣的另一估計，是栢芝可能宣布有第三胎。

查小欣在電台爆盡鋒芝感情事，但兩位當事人未有就婚姻狀況開腔，身在吉隆坡為英皇電影《逆戰》拍宣傳片的霆鋒昨日不用拍戲，留在當地休息；而栢芝則於深圳華僑城拍攝新片，吸引大批媒體前往等候，而其經理人Emily亦表示不作回應。