衞詩異地戀助禁慾
剛於歐洲傳道返港的衞詩（Jill），昨日接受本報電話訪問時透露，此行曾到訪羅馬、巴黎及倫敦等多個城市，有幸一睹英國威廉王子大婚的西敏寺大教堂，她表示很希望在該處行禮，並自爆男友Tim是中英混血兒：「佢細我4年，但我唔介意！」她指男友正在洛杉磯修讀聖經及電腦，尚有一年才畢業，雙方平日靠電話及電腦維繫感情：「咁樣反而仲好，如果佢喺香港，我驚我集中唔到精神工作，而且呢一切都係上帝安排，上帝唔想我哋『搞嘢』！」問到男友是否知道她曾吸毒？Jill說：「佢乜都知，亦好清楚我嘅過去。佢係教徒，雖然我唔Perfect又衰過，但佢好相信我會改過，所以我好珍惜佢！」
此外，昨日有教友在微博張貼一張海報，指Jill將於下月5日在上水出席佈道會，同是教友的張致恒及梁雨恩即留言支持。
遠赴歐洲傳道的衞詩，在巴黎鐵塔前留影。