婷婷爆霆鋒心情靚

張栢芝前日在台灣度過31歲生日，謝霆鋒因忙於工作未有相伴，謝婷婷被問到有關霆鋒與阿嫂栢芝的情況，她指哥哥心情很好，還經常與其男友安志杰打機。

謝婷婷昨日在尖沙咀海港城出席公開活動，適逢前日張栢芝在台灣跟好友慶祝生日，霆鋒因拍攝英皇電影《逆戰》未能相陪，婷婷昨日被記者追問有關霆鋒與栢芝的情況，問到是否覺得霆鋒近期不開心？她說：「唔覺佢心情唔好，同安志杰打機嘅時候都有通電話，聽到霆鋒都有笑，自從佢攞咗獎（金像獎影帝）之後心情一直都Keep住好好，以前冇乜講嘢，近排仲多咗嘢講。」

提到栢芝生日帶Lucas到台灣與好友慶祝，婷婷坦言還未送禮物，她還表示不會刻意送禮，見到適合禮物便會買來送給對方。至於栢芝大仔Lucas的學業，她說：「佢哋啲嘢我唔知，返學梗係好，可以學到生活有規律，Lucas都好識諗、好大個，見小朋友打交，都會走去勸交，又錫細佬。」

畀男友一萬分

昨日在活動上，婷婷繼續大晒幸福，指安志杰經常想幫她拎手袋，但她認為男人要有男子氣概，所以拒絕，但大讚安志杰懂炮製驚喜，要給男友一萬分！

此外，栢芝前晚在台灣與大小Ｓ、吳佩慈、葉佩雯及張豪龍慶祝生日期間不忘做善事，得悉有品牌義賣iPhone 4保護套，幫助日本地震災民，她們即拿起保護套拍照，協助宣傳。