陳法拉愛心糉氹「老爺」

陳法拉昨日與一班小學生學做糉子,齊齊預祝端午節,向來廚藝不錯的她表示,今年會試整愛心糉:「我諗住學整糉,然後派畀親友品嘗吓!(親友可能想收你嘅結婚餅卡多啲?)派咗糉先啦!(派完糉再派餅卡?)加個『月』字(月餅卡),跟住派月餅先!」

法拉又透露爸爸將從美國返港,屆時可跟他慶祝父親節,至於男友會否同慶祝?她承認多人會更熱鬧,問到會否提男友送禮冧爸爸,她說:「食我啲糉咪得囉!我整嘅最有誠意!(會同男友爸爸慶祝?)佢工作忙,要睇時間。(會送禮物?)長輩收到後輩自己整嘅卡或食物都開心,或者今年試吓我啲糉啦!」

法拉親手炮製糉子,愛心搭夠。