寫真混戰有着數 DaDa盡露搶Baby地盤
寫真大戰前夕，陳靜（DaDa）無懼「周秀娜師妹」Jeana和「林峯舊愛」潘霜霜夾攻，率先發力出動三點式為纖體公司Spa Colletion拍攝廣告，實行在寫真面世前率先一展誘人身材，大騷無敵6吋事業線，直言今年要搶攻暫退下火線的Angelababy和周秀娜地盤。
DaDa直言寫真集有別於廣告，當中會有更多噴血誘人照片：「我有超過30個造型，由清純到妖艷乜都有，尺度仲超乎咗我想像，雖然係三點不露，但都好誘人，拍嗰陣都有啲面紅同怕醜，仲有型男助陣添！」提到寫真戰中，Jeana、潘霜霜、張馨予及周韋彤等來勢「胸胸」，DaDa說：「冇壓力喎！我覺得今年比舊年更加有信心，加上同公司有Iris同Monna，我哋都好人強馬壯，加上周秀娜同Baby唔出書，應該都會對我有着數，可以趁機吸納埋佢哋嘅Fans。」
DaDa穿上三點式拍攝，大騷誘人身形！
DaDa性感上陣，Big爆上圍夾出誘人「事業線」。
自信十足的DaDa，無懼別人搶飯碗。