陳茵媺心郁郁開情侶舖
陳豪緋聞女友陳茵媺昨日錄影節目《甜心先生》，陳茵媺表示最拿手整蛋糕，不過緋聞男友陳豪未有機會試其手勢。由於陳豪喜歡飲咖啡，問到甜品與咖啡是否「絕配」？她說：「都係o架！齋啡配甜品啱啱好，我細個都考慮過開整蛋糕嘅舖頭。（考慮同陳豪開情侶舖？）冇諗過，依家可以考慮吓！」問到陳豪在馬來西亞的咖啡舖何時開張？，她說：「唔知喎！佢都冇同我講。（幫手宣傳？）如果出席都係為支持朋友。」
同場的苟芸慧表示不太懂炮製甜品，反而煲湯及沖咖啡更拿手，問到有否沖咖啡給男友香港先生羅天宇飲，未知是否被公司「照肺」，她初時一臉委屈不想回應，記者問到是否公司下令「封嘴」，她才說：「唔係！我唔想提私人嘢，工作擺第一位。（後悔承認戀情？）冇！只係想專注事業，自己大個女，好多嘢識得處理。」
陳茵媺大讚甜品與咖啡是「絕配」，講得咁明顯，陳豪收到啦！
苟芸慧雖然承認與羅天宇相戀，但不欲將戀情「地面化」。