Donald認錯老婆向男仔示愛

昨日DJ Donald與拍拖6年的女友張詠欣（Jan）拉埋天窗，兩人早上於薄扶林道伯大尼教堂行禮，晚上在淺水灣酒店設宴款待親友。阿Jan更落Order叫姊妹團玩新郎時不要留手，Donald亦不慎中了舅仔張致恒計：「過晒關之後，我見到Steven（張致恒）孭住個着紅色袍嘅人落嚟，我都覺得奇怪，點解佢孭得咁辛苦，因為阿Jan好輕，我對住佢講晒我愛你嗰啲認真說話，點知原來係個男仔，仲想錫我，即刻一腳踢開佢！」

問到岳母有否訓話？Donald笑說：「雖然佢講廣東話，但我都聽唔明，都係叫我哋唔好嗌交，錫大家多啲咁。（開門利是？）開頭擺烏龍畀咗$8.8，最後畀咗$6,999。」

Donald與阿Jan在教堂行禮兼深情一吻。

方力申、張繼聰、謝安琪和小儀等前來恭賀一對新人。