周汶錡激動談「情」惹分手疑雲
這邊廂模特兒汪圓圓與蔡加讚愛得癡纏，但模界師姐周汶錡（Kathy）的愛情則「冇咁好彩」！早前盛傳年底與男友拉埋天窗的她，前晚出席boutique boulevard活動時聞婚訊即黑面：「我自己都唔知！（男友有冇求婚？）冇呀！唔知呀！再講就真係嫁唔出！」揚言沒有衝動結婚的她，被問到會否想過生BB時更面色一沉：「都未發生！」她又透露今年將繼續缺席書展，問到會否考慮出書談感情？她直言其感情生活「悶到冇人有」，Kathy談「情」如此激動，莫非與男友現暗湧！
另一邊廂，模陳靜儀（Mia）去年與郭秀雲兒子錢景峰分手後，年底火速搭上名叫Hayes Cheng的男生，詎料事隔半年多，二人亦難逃分手命運，Mia昨日在Facebook暗示「分」訊，並透過電話直認「死因」乃性格不合。
原本心情大靚的Kathy，聞婚訊即變臉。