徐淑敏再佗女變大食積

港姐徐淑敏（Suki）與黃浩婚後短短一年零三個月便兩度懷孕，認真好生養！她於今年一月懷孕，至今已懷胎四個多月。記者致電Suki夫婦，二人大方承認喜訊，Suki更指懷女胎。問到是否佗得辛苦？她說：「上次佗住心瑤又要搞結婚，所以忟憎啲，比較之下今次舒服啲！」黃浩還笑指Suki食量變大，喜歡的食物可以食三人分量！

Suki生育速度比「三年抱兩」還要快，問到黃浩會否送禮物獎勵老婆？他說：「佢平時鍾意啲嘢，可以送畀佢嘅都送晒，唔需要特別再送！」Suki亦表示生兒育女乃女性本分，不會要求禮物。問到大女是否知道即將做家姐？她說：「佢知呀！每晚我都會叫佢錫啖妹妹！（改名未？）諗緊英文名，因為之前用咗一家三口嘅英文名字頭，投咗個車牌『SKV』！所以英文名我都打算用番V字頭，等細女唔好呷醋！（再追個仔？）一定會！應承咗老公同老爺！」至於黃浩父親上月逝世，雖然紅白相撞，但黃浩指至親之間百無禁忌，所以Suki都不會有所避忌。