藝人王敏德、名模Jocelyn及Cara G.昨日出席Baccarat首間大中華區水晶燈飾旗艦店開幕活動，王敏德透露近日客串徐靜蕾新片，首度以普通話演出：「我搵咗個上海老師教我！老婆（馬詩慧）仔女都講得好過我，老婆成日以為講得好流利，點知老師話佢有講錯嘅地方！」至於Cara將會主持節目，但否認是轉型，問到會否押後婚期？她笑說：「唔會影響結婚計劃，我等緊男友求婚！」而司儀楊洛婷自爆日前右眼發炎，要入院做手術抽膿。
王敏德與靚女Cara（左）及Jocelyn合照，羨煞旁人！
