阿佘發聲明保聲譽
佘詩曼（阿佘）與盧頌之前晚拍攝葉念琛新片《人約離婚後》，戲中她要擺款冷看狄易達與C AllStar成員On仔爭蔡穎恩，但拍攝期間出現飛曱甴，嚇到阿佘花容失色直奔生果舖！至於狄易達與On仔拍推撞戲時頻頻NG，導演葉念琛耐心指導，阿佘則自顧煲電話粥1小時，認真好傾！
另外，早前有指阿佘獲內地富商Tony力追，昨日有指Tony乃有婦之夫，阿佘介入Tony的婚姻！阿佘昨日與Tony夫婦發聯署聲明，指摘報道全屬惡意謠言，阿佘接受電話訪問時說：「我同Tony識咗好耐，只係普通朋友！每次緋聞都講到好似真咁，今次有需要行出嚟，因為傷害性好大，影響三方面聲譽！（認識Tony太太？）本來唔識，今次報道之後做咗朋友。（Tony會離婚？）我唔清楚！」
阿佘（左）與盧頌之齊齊晒腿，唔惹蚊就假！
阿佘與Tony夫婦發聯合聲明，保留法律追究權利。