子丹：最衰冇叫我露

甄子丹出席電影慶功時表示希望多抽時間陪家人，並透露日前享受湊仔生活後，才明白老婆作為母親之苦：「湊兩個鐘已經辛苦過拍戲！」

甄子丹前晚聯同導演莊文強及麥兆輝出席電影《關雲長》慶功宴，兩名模Jeana（何佩瑜）及A. Lin（裴殷）以性感小背心撐場。

甄子丹表示《關》片於5.1檔期後在內地大收逾億元人民幣，他開心地說：「好好運，但都有付出o架！（拍續集？）要睇兩位導演喇！（演一次就夠？）唔係厭，係我本身計劃今年接三個唔同嘅角色，依家總算完成咗，嚟緊想花多啲時間喺仔女度！」他透露日前享受弄兒樂及跟女兒「拍拖」：「依家先知老婆湊仔女咁辛苦，兩個鐘已經辛苦過拍戲。」稍後子丹會跟老婆汪詩詩提前出發往康城，趁機旅行觀光。對於在港票房不及《3D肉蒲團之極樂寶鑑》，麥兆輝表示早已料到，子丹則笑說：「最衰冇叫我露啦！唔係點止咁呀！」

Jeana帶牙刷拍親熱戲

至於今年將單飛出寫真的Jeana，早前出言頂撞師姐周秀娜，前晚她表示尚未與對方碰面：「經理人都教咗我人生道理，以後說話會更小心。」她透露將在電影《喜愛夜蒲》中有大膽演出，會在廁所跟對手親熱，笑言要帶定牙刷。而A. Lin亦在《喜》片中晒胸挑逗男演員，但不怕尷尬，她又透露將赴北京修讀演藝課程，問到是否「收峰」避開將出寫真的潘霜霜等？她說：「唔係！我都出咗兩年，係時候進修吓。」