囝囝遲到黎燕珊興爆
仁美清叙會長黎燕珊和名模Jocelyn昨日身穿Tube Dress，到apm擔任《Super媽媽大作戰》評判。黎燕珊表示會與一對子女及家人食海鮮大餐慶祝母親節︰「囡囡兩個禮拜前已經送咗紮花畀我，佢就18歲，但唔鍾意做呢行，想做空姐。」提到快13歲的兒子，她笑說︰「之前囝囝去朋友生日會，之後約咗我，但我等咗佢好耐，真係有啲興！守時好重要，但佢都係第一次咁樣。」
至於Jocelyn透露未能與身在夏威夷的媽咪慶祝，但已準備好禮物︰「會打畀媽咪講母親節快樂，已經叫妹妹幫我買花同請媽咪做Spa做禮物。（會唔會生BB？）4年後嘅事，生仔女都冇所謂，希望生兩個同領養一個小朋友。」
Jocelyn（左）和黎燕珊擔任活動評判。