為失實報道發聲明 吳卓羲向《壹週刊》索償
對於近日被指搭上兩位無綫花旦徐子珊與馬賽、封「姐仔屠夫」等報道，吳卓羲氣憤難平。雖然近日三名當事人分別澄清沒有此事，但吳卓羲昨日透過唱片公司向傳媒就該報道發表聲明，他指該期《壹週刊》有關他的所有報道與事實不符，嚴重影響所有涉事藝人與他的聲譽。諮詢律師後，他已去信《壹週刊》要求賠償及要求解釋，取回公道。
本報就此事聯絡吳卓羲，身在蘇州的他說：「我已經啞忍咗《壹週刊》之前對我講嘅好多不實嘅報道，今次已經超過咗我嘅底線同極限，所以要企出嚟講，唔可以再啞忍，如果唔係咪畀佢玩晒？我唔係靠黐靠呃，我都有捱更抵夜，咁樣會抹煞咗我嘅努力！如果啲讀者睇完報道，向我吐口水同掉垃圾咁點算？」問到要求對方賠償金額？吳卓羲表示律師與經理人正在計算中。
而徐子珊亦出言力撐：「咁樣對佢好唔公平，既然決定咗採取法律行動，我作為兄弟嘅點都會支持。」馬賽直至截稿前都未有回應。
高海寧（右起）、馬賽、李思欣、賈曉晨和呂慧儀昨日出席活動。