Evelyn妹仔病嚇走Tom

昨日蔡穎恩（Evelyn）舉行《少女之生活》新聞發布會及簽名會，陳嘉寶（Anjaylia）及數十名粉絲到場支持。Evelyn透露早前為拍攝DVD而增磅，並笑言目標是成為家庭主婦，但曾被朋友質疑其廚藝：「朋友食咗仲健在。（Mr.成員Tom受唔到你嘅公主病而分手？）我哋係好好好好嘅朋友，關係好好。（煮過嘢畀Tom食？）整曲奇畀Mr.做打氣禮物。（有公主病？）妹仔病就有，我好鍾意照顧人。」Anjaylia亦贊同：「佢成日幫我借埋衫，又幫我買嘢食。」此外，Tom日前飛甩Evelyn，與細佬、隊友MJ及女形象設計師Inggrad逛銅鑼灣，MJ與Inggrad雞啄唔斷，但發現記者時，MJ澄清：「個女仔係我哋形象設計師！唔好誤會呀！」

Anjaylia（右）力撐Evelyn冇公主病，姊妹情深。

MJ與女形象設計師逛街，Tom則緊隨其後。